Inda Bem (feat. Lucy Monteiro)

Mi sô
Akunpanhadu pa nha própi kunpanhia, diskalsu N ta peregrina na kalsadas di vida
Disípulu di Josué N ta travesa riu Jordãu i muralhas di Jerikó rumu a terra prumetida
Sen grandis prumesas ma N ta volta dipôs di ida
N ta prumete volta pa nha pontu di partida
Undi ki N prende ma nada N ka pode prende, ma nha filisidadi sô di mi ta dipende
Vida prezentia-m ku solidon pa N pode prende ser filis ku nha prezensa
I oji N ta spresa nha gratidon pa tudu mumentus bon ku kunpanheru, ku bu auzénsia
N ridiskubri mi mê, N obi nhas própi konsedju
N diskubri nha grandi amor kantu ki N djobe na spedju
N prende ma ser filis é un meru kiston di skodja
Nu skodje faze ben já ki nhas skodjas ta faze-m
I oji ami é felis mi sô, sen ninhun spetativa, sen spera nada di ningen
Born autosufisienti N persebe ma na nha redor N ten tudu ki é sufisienti pa N faze xinti ben
Pur isu, ami é gradisidu pa tudu ki bu faze-m
Bu po-m diskubri un pesoa atê nton diskonhesidu
Un pesoa okultu, un pesoa adormesidu ki obrigadu akorda dipôs di tudu sufridu

Nha tetu kebradu N djunta kaku mi sô
Kuazi N perde nha txon
Sen ningen pa da-m mô
Nha lua paga
Nha lánpada fundi
I pa N ka funda, N navega na skuridãu

Nes tenpestadi N subrivivi mi sô
Di tantu N ka ten osíliu N prende anda sen bo
Obrigadu a entra Arca pa N rizisti dilúviu i sen ningen pur pertu pa N spedja nha rafújiu
N ka tinha Alex, N ka tinha Júnior, N ka tinha Di, N ka tinha Carlos pur pertu pa supera ku mi
N ka tinha Yanni ki parte ku vontadi fika mas un kazu ki ti oji pulísias ka justifika
Sô a favor di favorisidus, es ta prega prugrésu mas kre-nu disfavoresidus, ma
Ami N ta rinasi mo soldadus di Álamo i N bai buska nos tizoru na pirámidis di Ejitu

Kes pode roba nos surrizu ma es ka poi nos sonhu prezu
Nos luta ka ta sesa inkuantu nos xama sta sézu
(Kes pode roba nos surrizu ma es ka poi nos sonhu prezu)
(Nos luta ka ta sesa inkuantu nos xama sta sézu)

Nha tetu kebradu N djunta kaku mi sô
Kuazi N perde nha txon
Sen ningen pa da-m mô
Nha lua paga
Nha lánpada fundi
I pa N ka funda, N navega na skuridãu

Ma nen tudu é sô lamentu tanbe N ten di agradese
Dios da-m família, da-m amigus ki nha vida ingrandese
Obrigadu papá, obrigadu Adi, obrigadu Michelle pa-u ki nhos faze pa mi
I sobritudu obrigadu pa bo ki sénpri duvida
Grasas a bo N da vida un vos ki nunka izistiba
Inda ben ki tudu nhas planus ka da sértu
Inda ben ki ten sértus kuzas ki é insértu
Inda ben N ka tivi tudu di bandeja
Sénpri N tivi ki sua pa kuzas ki N ta dizeja
Ma nen sénpri N tivi tudu ki N almeja
Ma nen sénpri N tivi tudu ki N almeja
Ma mesmu asi nunka N dexa-m frakeja
N prende ma fardu é ka maior ki kel ki N pode karega

N ta kontinua na saga, peregrinu di pé diskalsu na kalsadas di vida

Peregrinu di pé diskalsu na kalsadas di vida
Peregrinu di pé diskalsu na kalsadas di vida